असोज-६ (एजेन्सी)

इजरायलले लेबनानमा हिजबुल्लाहमाथि आक्रमण गरिरहँदा हिजबुल्लाहले शनिबार राति इजरायलमा दर्जनौँ रकेट प्रहार गरेको अन्तर्राष्ट्रिय सञ्चारमाध्यमले जनाएका छन्।

इजरायली सेनाका अनुसार हिजो राति लेबननबाट उत्तरी इजरायलतर्फ ‘रकेटहरूको वर्षा’ भएको थियो, हिजबुल्लाहले औद्योगिक र सैन्य स्थलहरूलाई लक्षित गरेर आक्रमण गरेको जनाइएको छ।

इजरायली डिफेन्स फोर्सले जानकारी दिए अनुसार १०५ मध्ये अधिकांश रकेटहरू प्रतिरक्षा प्रणालीद्वारा अवरोध गरिएको थियो। तर केही घरहरूमा रकेट खसेको जनाइएको छ।

रातभर हवाई आक्रमणको चेतावनी साइरन बजिरहेका थिए। हिजबुल्लाहले भनेको छ कि यो रकेट आक्रमण, इजरायलमा भएको गत हप्ता पेजर र वाकी-टकी आक्रमणहरूको बदलामा गरिएको आक्रमण हो।