भदौ -८
कपिलवस्तु– कपिलवस्तुको कृष्णनगरबाट लागूऔषधसहित पाँच जना महिलालाई पक्राउ गरिएको  प्रहरीले जनाएको छ । 

पक्राउ पर्नेमा दाङका रजिता रोकाय र विमला पुन, कपिलवस्तुका पनिसरा सारु र नन्सरी घर्ती मगर, पर्साका चुमा लामिछाने रहेकी छिन् ।

कृष्णनगर नगरपालिका–२ पुरानो बसपार्क क्षेत्रमा गस्ती गरिरहेको प्रहरी टोलीले नेपालबाट भारततर्फ जाँदै गरेका पाँच जनालाई रोकी जाँच गर्दा उनीहरूको 
साथबाट १५ केजीभन्दा बढी लागूऔषध बरामद गरेको हो ।

जाँचका क्रममा उनीहरूको साथबाट चरेसजस्तो देखिने कालो गिलो पदार्थ पाँच किलो २२५ ग्राम र अफिमजस्तो देखिने गिलो पदार्थ १० केजी बरामद गरिएको प्रहरीले जनाएको छ । 

पक्राउ परेकामाथि थप अनुसन्धान भइरहेकोजिल्ला प्रहरी कार्यालयका प्रहरी नायब उपरीक्षक रिपेन्द्रकुमार सिंहले बताएका छन् ।