काठमाडौं, १६ चैत : नेपाली कांग्रेसका नेता रमेश लेखकले हालको लकडाउनलाई निरन्तरता दिन सरकारसँग माग गरेका छन् ।
कोभिड(१९- को जोखिमलाई मध्यनजर गर्दै नेता लेखकले लकडाउनलाई निरन्तरता दिन र उचित व्यवस्थापन गर्न सरकारलाई सुझाव दिएका हुन् ।
ट्वीटरमार्फत् नेता लेखकले कोभिड(१९- को संक्रमण रोकथाम र नियन्त्रणका लागि ५ वटा सुझाव दिएका हुन् ।
उनले सम्भावित र जोखिम वर्गका बढी मानिसको स्वास्थ्य परीक्षण गरिनुपर्ने, रोकथाम, परीक्षण, उपचार र तत्सम्बन्धी सुरक्षा सामग्रीको व्यवस्थापन गर्नुपर्ने, बिरामीको उपचारको व्यवस्था र लकडाउनका कारणले प्रभावित भएकाहरूका लागि राहत घोषणा र कार्यान्वयन गर्नुपर्ने सुझाव दिएका छन् ।