काठमाडौं, १६ चैत : कोरोन भाइरस (कोभिड१९)को संक्रमण नियन्त्रणका लागि भारत सरकारले एकै रातमा ६३७० वेडको क्वारेन्टाइन तयार पारेको छ । कोरोना भाइरससँग लड्न भारतीय रेलले ट्रेन बोगीहरूको डिब्बालाई आइसोलेशन कोच बनाएका हुन् । 

मुलुकमा कोरोना भाइरस बिरामीहरूको बढ्दो संख्यालाई ध्यानमा राख्दै, आउँदै गरेको समयमा थप आइसोलेशन केन्द्रहरूको आवश्यकता पर्न सक्छ । यस्तो अवस्थामा रेलवेलाई आइसोलेशन कोच बनाइएको हो ।

अस्पताल जस्ता सुविधा उपलब्ध
मध्य बर्थ एक साइडबाट हटाइएको छ । बिरामीको लागि केबिन तयार गर्न बिरामीको अगाडि सबै ३ वटा बर्थहरू हटाईएको छ । बर्थ चढ्न सबै सीढीहरू पनि हटाईएको छ ।

बाथरूम, कोरीडोर र अन्य ठाउँहरू पनि अलग कोचहरू तयार पार्न पुनः आकारहरू मिलाइएको छ । रेलवे कोचमा नुहाउनको लागि बाल्टिन र ह्यान्ड शावर प्रदान गरिएको छ ।

भारतमा अहिलेसम्म कोरोना भाइरसको कारण एक हजारभन्दा धेरै मानिस संक्रमित भइसकेका छन् भने २५ जनाको ज्यान गइसकेको छ ।

चाइनाको वुहानबाट फैलिएको कारोना भाइरसबाट बच्न यसअघि चाइना सरकारले १० दिन लगाएर १ हजार वेडको क्वारेन्टाइन निर्माण गरेका थिए ।