चैत- ५

काठमाडौं । त्रिभुवन विश्वविद्यालय (त्रिवि) सम्बन्धनप्राप्त क्याम्पसमा स्वतन्त्र विद्यार्थी युनियन (स्ववियु) निर्वाचन सुरु भएको छ ।

मंगलबार (चैत ५) बिहान ८ः०० बजेदेखि ४६ आंगिक र २५० सम्बन्धनप्राप्त क्याम्पसमा निर्वाचन सुरु भएको स्ववियु निर्वाचन केन्द्रीय अनुगमन तथा समन्वय समितिका सदस्यसचिव पशुपति अधिकारीले जानकारी दिए । उनले अधिकांश क्याम्पसमा मतदान सुरु भइसकेको बताए । उनका अनुसार, आजै अपराह्न ४ः०० बजेसम्म मतदान हुनेछ ।

क्याम्पसमा गठित निर्वाचन समितिले मतदानलगत्तै आजै साँझदेखि मतगणना थाल्ने उनले बताए ।