भदौ -२१

काठमाडौं– भोटेकोशी नदीमा आएको विनाशकारी बाढीपछि हालसम्म १ हजार ३४१ शव फेला परेको छ।

नेपाल प्रहरीले बाढी प्रभावित क्षेत्रमा खोज, उद्धार, राहत वितरण तथा शव व्यवस्थापनका लागि ७ हजार ९१२ प्रहरी परिचालन गरेको जनाएको छ।

प्रहरीका अनुसार फेला परेका शवमा ३२५ महिला र ५२३ पुरुष छन्। त्यसैगरी ४९३ वटा आंशिक मानव अंग फेला परेका छन्।

शवको पहिचानका लागि प्रहरीले २ हजार ४७२ जनाको डीएनए नमुना संकलन गरिसकेको छ। हालसम्म १ हजार २८६ मृतकको तथा १ हजार १८६ जना आफन्तको डीएनए नमुना संकलन गरिएको छ।

१ हजार ३७ शव व्यवस्थापन गरिसकेको प्रहरीले जनाएको छ। पहिचान नखुलेका १ हजार २९७ शवको विवरण प्रहरीको वेबसाइटमा अपलोड गरिएको छ।