भदौ- २२
काठमाडौं - देशभर मनसुनी वायुको प्रभाव कायम रहँदा आज सोमबार अधिकांश भूभागमा वर्षाको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ।

महाशाखाका अनुसार मनसुनको न्यूनचापीय रेखा सरदर स्थानभन्दा केही उत्तरतर्फ अर्थात् नेपाल नजिक रहेको छ। साथै, उत्तर प्रदेश आसपास बनेको न्यूनचापीय क्षेत्रको प्रभावसमेत नेपालमा परिरहेको छ। यी प्रणालीका कारण आज वर्षाको सम्भावना बढेको मौसमविद्हरूले बताएका छन्।