बैशाख १५ पछि लकडाउनको स्वरुप परिवर्तन हुने
काठमाडौं, ८ वैशाख : कोरोना भाइरस (कोभिड-१९) को जोखिमलाई स्वास्थ्य तथा जनसंख्या मन्त्रालयले ३ वर्गमा विभाजन गर्दै त्यसै अनुसार लकडाउनको स्वरुप परिवर्तन गर्ने तयारी थालेको छ ।
यसै अनुरुप स्वस्थ्य मन्त्रालयका विज्ञ सल्लाहकार डा.खेम कार्कीले दिएको जानकारी अनुसार बैशाख १५ पछि लकडाउनमा जाने र लकडाउनको स्वरुपमा परिवर्तन गर्ने तयरी भइरहेको छ ।
यसैगरी अन्य मन्त्रालयले पनि आ–आफ्नै तरिकाले तयारी गरिरहेको उनले बताए । सरकारले गत चैत्र ११ गतेबाट कोरोना भाइरस संक्रमणको जोखिमलाई मध्यनजर गर्दै लकडाउनको घोषणा गरेको छ ।