नेपाली समय:

वि.सं २०७७ कार्तिक १६   आइतबार

EnglishEN
सरकारले ल्याएका दुवै अध्यादेश राष्ट्रपतिबाट खारेज

सरकारले ल्याएका दुवै अध्यादेश राष्ट्रपतिबाट खारेज

काठमाडौं, १२ वैशाख :  सरकारले यही वैशाख ८ गते राजनीति दल विभाजन र संवैधानिक परिषद् सम्बन्धी ल्याएका दुवै अध्यादेश औपचारिक रुपमा खारेज भएको छ । 

मन्त्रिपरिषद्को सिफारिसमा राष्ट्रपति विद्यादेवी भण्डारीले शुक्रबार अध्यादेश खारेज गरेकी हुन् । पार्टी र जनस्तरबाट सरकारको आलोचना भएपछि शुक्रबार बसेको मन्त्रिपरिषद् बैठकले अध्यादेश फिर्ता लिने निर्णय गरेको थियो ।

सोही अनुसार मन्त्रिपरिषदले सिफारिस गरेपछि अध्यादेश खारेज गरिएको राष्ट्रपति कार्यालयका सहायक प्रवक्ता केशवप्रसाद घिमिरेद्वारा जारी विज्ञप्तिमा उल्लेख छ ।

एउटा अध्यादेश दल विभाजनलाई खुकुलो बनाउने र अर्को अध्यादेशमा प्रतिपक्षी दलको नेता नभए पनि संवैधानिक परिषद्को बैठक बसी निर्णय गर्न सक्ने ल्याइएको थियो ।

२४ Apr २०२० , ५:२५pm
हाम्रो आवाज