वैशाख २५ गतेसम्म १० दिनको लागि लकडाउन लम्ब्याउने सरकारको निर्णय
काठमाडौं, १४ वैशाख : नेपाल सरकारले लकडाउनलाई २५ गतेसम्म लम्ब्याउने निर्णय गरेको छ ।
आज साँझ प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठकले लकडाउनको समय १० दिन थप गर्दै वैशाख २५ गतेसम्म पुर्याएको हो।
यसअघि वैशाख १५ गतेसम्म गरेको लकडाउन भोली सोमबार सकिँदै थियो ।
तर कोभिड-१९ सम्बन्धी उच्चस्तरीय समन्वय समितिको शनिबार बसेको बैठकले लकडाउनकै कारण कोरोनाको संक्रमण नियन्त्रण गर्न सफल भएको निष्कर्ष निकालेको थियो भने कार्यदलले एक साता लम्ब्याउन सिफारिस गरेको थियो ।