लगातार पानी परेपछि उपत्यकामा चिसो महशुस
काठमाडौं, २२ वैशाख : सोमबार बिहानैदेखि काठमाडौंलगायत विभिन्न स्थानमा हावाहुरीसहित पानी परिरहेको छ । लगातार पानी परेपछि उपत्यकामा चिसो महशुस गरिएको छ ।
पश्चिमी वायु, स्थानीय वायु र पूर्वी भूभाग नजिक बनेको न्यून चापीय क्षेत्रको प्रभावका कारण देशका अधिकांश स्थानमा पानी परिरहेको मौसम पूर्वानुमान शाखाले जनाएको छ ।
मौसम विज्ञान विभाग मौसम पूर्वानुमानका अनुसार मौसम सोमबार र मंगलबार सक्रिय रहनेछ भने बुधबार भने कम हुनेछ । देशका केही स्थानमा मेघगर्जनसहित चट्याङ, असिना र हावाहुरीसहित वर्षाको सम्भावना रहेकाले आवश्यक सतर्कता अपनाउन महाशाखाले अनुरोध गरेको छ ।