माघ १२, काठमाडौँ – नेपाल कम्युनिस्ट पार्टीका प्रचण्ड नेपाल समूहले  नागरिक मार्चमा भएको प्रहरी दमन बिरुद्ध  भत्र्सना  गरेको छ  ।

नेकपा प्रवक्ता तथा केन्द्रीय संघर्ष समितिका संयोजक नारायणकाजी श्रेष्ठले  आज एक बिज्ञप्ती  जारी गर्दै प्रहरी दमनको भत्र्सना गरेका हुन् । बिज्ञप्ती मार्फत सरकार निरंकुश चरित्र उदांगो भएको प्रचण्ड नेपाल समूहले जनाएको छ । समूहले  नागरिक आन्दोलनप्रति सम्मान पनि प्रकट गरेको छ ।

नागरिक अगुवा र अधिकारकर्मीहरुले आज एक कार्यक्रम आयोजना गर्दै प्रतिनिधिसभा  बिघटनको बिरोध गरेका थिए । उक्त कार्यक्रममा प्रहरीले हस्तक्षेप गरेको थियो । हस्तक्षेपको क्रममा दर्जनौ अभियान्ताहरु घाइते भएका थिए । प्रहरीले लाठीचार्ज गर्नुका साथै पानीको फोहोरा प्रहार समेत गरेको थियो ।