साउन -१०, नेपालगन्ज - बाँकेका चारवटा पालिकामा आज आइतवार साउन १० गतेदेखि  भेरोसेल कोरोना खोप को पहिलो मात्रा लगाउन थालिएको छ ।

 

निर्धारित लक्षित उमेर समुहलाई लक्षित गरि भेरोसेल खोप को पहिलो मात्रा लगाउन् थालिएको छ । नेपालगन्ज उपमहानगरपालिका,कोहलपुर नगरपालिका,जानकी गाउँपालिका र खजुरा गाउँपालिकामा खोपको पहिलो मात्रा लगाईने स्वास्थ्य कार्यालय बाँकेका खोप अधिकृत भेषराज शर्माले जानकारी जनाएका छन।

 

यस खोप कार्यक्रम मा ५५ वर्ष र सो भन्दा माथिका उमेर समूहले खोप लगाउन पाउने भएका छन । यसका साथै प्राध्यापक, शिक्षक ,कर्मचारी, सार्वजनिक यातायातमा कार्यरत चालक र सहचालक समेत भेरोसेल को पहिलो मात्रा खोप लगाउन पाउने छन। 

 

स्वास्थ्य कार्यालय बाँकेले खोप लगाउन जाँदा ५५ वर्ष माथि का नागरिकले नागरिकता वा उमेर खुल्ने प्रमाणपत्र  र शिक्षक, कर्मचारीहरुको हकमा संस्थाले जारी गरेको परिचय पत्र सहित वड़ा मा भएको आधारभुत स्वास्थ्य केन्द्र मा सम्पर्क गर्न सक्ने जनाइएको छ । बिहान १० बजेदेखि अपरान्ह ४ बजेसम्म खोप लगाइने समय निर्धारण गरिएको छ । यसका साथै साउन १० गते देखि १२ गते सम्म खोप लगाइने कार्यक्रम रहेको छ ।