बाँकेको भेरी अस्पतालमा उपचाररत थप दुई कोरोना संक्रमितको मृत्यु
भदौ २९, नेपालगन्ज । बाँकेको भेरी अस्पतालमा उपचाररत कोरोना संक्रमित थप दुई जना कोरोना संक्रमितको मृत्यु भएको छ ।
उपचारका क्रम घोराही उपमहानगरपालिका दांग की ४० वर्षिय महिला र ठाकुरबाबा नगरपालिका १ बर्दिया को ४५ वर्षिय पुरूष को मृत्यु भएको जिल्ला कोभिड व्यवस्थापन केन्द्र बाँकेका फोकल पर्सन तेज वलीले बताएका छन ।
भेरी अस्पतालको आइसोलेशन वार्डमा उपचाररत ती दुबै जनाको स्वस्थ्य स्थितिमा सुधार नआएपछि उनको मृत्यु भएको जनाइएको छ ।
यससंगै कोरोना संक्रमणबाट हालसम्म बाँकेमा उपचाररत बाहिरी जिल्लाका ४ सय ११ जनाको मृत्यु भइसकेको छ ।