नेपाली समय:

वि.सं २०७९ जेठ १०   मंगलवार

EnglishEN
जयनन्द लामाको टाउकोमा ‘ब्लन्ट फोर्स इन्जुरी’, अनि भयाे मृत्युु

जयनन्द लामाको टाउकोमा ‘ब्लन्ट फोर्स इन्जुरी’, अनि भयाे मृत्युु

फागुन १७, काठमाडौं । कलाकार जयनन्द लामाको पोष्टमार्टम रिपोर्ट आएको छ । लामा फागुन ११ मा भक्तपुरको कौशालटारस्थित घर बाहिर मृतावस्थामा भेटिएका थिए । भक्तपुरको दुवाकोटस्थित काठमाडौं मेडिकल कलेजमा उनको शव परीक्षण गरिएको थियो । चिकित्सकले लामाको मृत्युको कारणमा लेखेका छन्, ‘ब्लन्ट फोर्स इन्जुरी टु दि हेड ।’ सो रिपोर्ट अनुसार टाउको बजारिएर उनको मृत्यु भएको पुष्टि भएको छ  ।

फागुन १० मा साँझ बैठकमा सहभागी हुन बौद्ध गएका लामा भोलिपल्ट बिहान ७ बजेतिर बा.३च ७७४१ नम्बरको गाडीबाट लडेको अवस्थामा घरबाहिर मृत भेटिएका हुन् ।  महानगरीय प्रहरी परिसर भक्तपुरका डिएसपी राजु पाण्डेका अनुसार लामाको एउटा खुट्टा कारमा अड्किएको थियो । शरीर घोप्टो परेर भुईँमा बजारिएको अवस्थामा भेटिएको थियो ।

चिकित्सकले हतियारको चोट नभएको र टाउकोमा रगत जमेका कारण मृत्यु भएको रिपोर्ट प्रहरीलाई दिएका छन् । ‘लामाको मृत्यु शंकास्पद देखिएन्,’ महानगरीय प्रहरी परिसर भक्तपुरका डिएसपी पाण्डे भन्छन् । गाडीबाट ओर्लिन खोज्दा बजारिएर उनको टाउकोमा रगत जमेको प्रहरीको निष्कर्ष छ । फागुन ११ मा राति १ देखी साढे २ को बिचमा उनको मृत्यु भएको बताइएको छ । ६० वर्षीय लामा सिन्धुपाल्चोकको बाह्रबिसे नगरपालिका वडा नम्बर–२ का स्थानीय हुन् ।

१ Mar २०२२ , ४:४३pm
हाम्रो आवाज