आज माघे सङ्क्रान्ति मनाइँदै,
माघ-१
काठमाडौं । आज मुलुकभर माघे संक्रान्ति मनाइँदै छ। मगर, थारूलगायत विभिन्न समुदायले माघे सङ्क्रान्ति पर्व मनाउँदै छन् । सूर्य धनु राशिबाट मकर राशिमा प्रवेश गर्ने सङ्क्रान्ति भएकाले माघ १ गतेलाई मकर सङ्क्रान्ति पनि भनिन्छ ।
यसैबीच माघे सङ्क्रान्ति मनाउन आज मगर समुदायका मानिस राजधानी काठमाडौंका विभिन्न ठाउँमा भेला भएका छन् ।
भृकुटीमण्डपमा जम्मा भएर उनीहरू र्यालीसहित भद्रकाली, शहीदगेट, न्युरोड हुँदै टुडिँखेल पुगेका छन् । र्यालीमा अन्य समुदायका मानिस पनि सहभागी भएका थिए ।