फागुन-२६

काठमाडौं- अनुमति नलिइकन आरोपी पक्राउ गर्ने उद्देश्यले काठमाडौँ आएका ७ जना भारतीय प्रहरीलाई केन्द्रीय अनुसन्धान ब्युरोको टोलीले नियन्त्रणमा लिएको छ ।

ठमेलस्थित अलफ्ट होटलबाट उनीहरूलाई नियन्त्रणमा लिइएको नेपाल प्रहरीले जनाएको छ । पक्राउ परेका ७ जना फागुन १२ मा काठमाडौँ आएर अलफ्ट होटलमा बसेका थिए ।

उनीहरूलाई ठमेलबाट नियन्त्रणमा लिएर सीआईबीको टोलीले उनीहरूलाई भारतीय दूतावासको जिम्मा लगाएको छ ।