चैत-४

 

एजेन्सी-  यमनका हुथी विद्रोहीमाथि अमेरिकाले गरेको आक्रमणमा परी कम्तीमा ३१ जनाको मृत्यु भएको हुथी विद्रोहीले जनाएका छन्। 

 

गाजा युद्धका क्रममा इजरायल र रेड सीमा आक्रमण गरेका हुथी विद्रोहीलाई लक्षित गरी गरिएको आक्रमणमा परी ज्यान गुमाउनेमा बालबालिका पनि रहेको बताइएको छ।

 

हुथी स्वास्थ्य मन्त्रालयका प्रवक्ता अनिस अल असबहीले जारी गरेको विज्ञप्तिमा विद्रोहीको नियन्त्रणमा रहेको राजधानी सानाका साथै सादा, अल बेदा र राडाक्षेत्रमा भएको आक्रमणमा परी ३१ जनाको मृत्यु हुनुका साथै १०१ जना घाइते भएको उल्लेख गरिएको छ। 

 

हुथी विद्रोहीले आक्रमणलाई ‘बिना कुनै प्रतिक्रिया नछोडिने’ चेतावनी दिएको छ । हुथी अन्सारोला वेबसाइटले ‘अमेरिका र बेलायती आक्रामकता’ र वासिङ्टनको ‘आपराधिक क्रूरता’ को निन्दा गरेको छ।