
इजरायलद्वारा लेबनानमाथि हवाई आक्रमण,सात जनाको मृत्यु,
चैत-१०
एजेन्सी-इजरायलले लेबनानमा हवाई आक्रणम गरेको छ भने जवाफमा लेबनानले इजरायलमा रकेट प्रहार भएका छन् । नोभेम्बरमा युद्धविराम लागू भएपछि यो सबैभन्दा ठूलो हिंसा मानिएको छ ।
इजरायली सेनाले दक्षिणी लेबनानमा इरान समर्थित मिलिसिया तथा राजनीतिक समूह हिज्बुल्लाहका दर्जनौं रकेट लन्चर तथा कमाण्ड सेन्टरलाई निशाना बनाएको बीबीसीले उल्लेख गरेको छ ।
लेबनानको स्वास्थ्य मन्त्रालयले हवाई आक्रमणमा एक बच्चासहित सात जना मारिएका छन् भने ४० जना घाइते भएका छन् ।
लेबनानमा हिज्बुल्लाह र प्यालेस्टाइनी समूहसहित कयौँ सशस्त्र समूह सक्रिय छन् तर कसैले आक्रमणको जिम्मेवारी लिएका छैनन् ।
पहिलो आक्रमणको केही घण्टापछि रातमा दोस्रो लहर इजरायली सेनाको कमाण्ड सेन्टर, लेबनानको हतियार भण्डारण क्षेत्र लक्षित भएको बताइएको छ । उत्तरी शहर मेटुलामा तीन रकेटलाई रोकिएको इजरायली सेनाले जनाएको छ । यो आक्रणमा हिज्बुल्लाहले आफ्नो कुनै हात नरहेको र आफु युद्धविराममा प्रतिवद्ध रहेको प्रतिक्रिया दिएको छ ।