चैत-११ (एजेन्सी)

इजरायलले गाजाको एक अस्पतालमा गरेको हवाई हमलामा हमासका बरिष्ठ नेता र उनका सहयोगी मारिएका छन् ।

गाजाको खान युनिस सहरमा अवस्थित मुख्य स्वास्थ्य सेवा दिने नासेर अस्पतालमा भएको हवाई आक्रमणमा हमास समूहका वित्तिय मामिला प्रमुख इस्माइल बरहौम मारिएका हुन् ।

इजरायलले चार दिनअघि गरेको हवाई आक्रमणमा घाइते भएपछि अस्पतालमा उपचार गराइरहेका बरहौम हिजो भएको आक्रमणमा मारिएको अधिकारीले बताएका छन् ।

हमासद्वारा सञ्चालित स्वास्थ्य मन्त्रालयले चिकित्सा कर्मचारीहरू सहित धेरै अन्य घाइते भएको बताएको छ । आक्रमणबाट अस्पतालको ठूद्यो भाग ध्वस्त भएको जनाइएको छ ।